قصيدة ولكن بإطار مختلف

الفركة مو منّك بدت ....لا مني

مضنوك وأشباه اللسن ...لا مني

ما أضن ليلي بغيبتك ...لام أني

محتاج منك ليل أرد أتحسر

رايدلي منّك ليل يفهم ...بناي

مهدوم حيلي ويمي ماصح ...بناي

بصدري انته نسمة اشلون أودعك...بالناي

وإعليه إذن حايط الشامت تفتر

إعذيبي عطرك من يمر ...وأرقى إنته

ورسّبت عمري الخاطرك ...وأرقنته

بدفتر غرامي جي صرت ...ورقه إنته

طشيت عيني الخاطرك بالدفتر

معذور لو يمك أجي ..عنوه آني

جي ماكو واحد حدثك ...عن واني

انطيك خافن تيهت ...عنواني

عنواني انت وبيه صوتك كبّر

إتعودت بغيابك أون ...ون هاري

وعطشت بحوري المنبعك ...وانهاري

الليل من دونك زهر ...وإنهاري

جالزقنبوت بعيني وازود لو مر

من عندي ماتنشد شخذ...شطّاني؟؟

هجرك.. هذاك البجمر ....شطّاني

اتذكر بوصلك جنت ...شط آني

وبكطع وصلك صرت للشامت بر

كتلك يغالي بغيبتك ...عالما مر

من حكي أشيطن واحترك ...عالمامر

الغيرك ابد ماسمعت ...عالميمر

ومن حكي اسولف حزني بالعالميمر

مشكور حبيب كلبي منور الموضوع بدخولك
تحياتي