ياديمة الخير العذي والتباشير

السَلام عليكم ورحمة الله وبركَاته ،


ياديمة الخير العذيّ والتباشير
هليّ على صدر الصغيّر سلامه
زفيّ تباشير السعاده طوابير
في عين من خان المواقف كلامه
ورفيّ لاجل ذيك العيون المساهير
حتى يطيح من التوجد ملامه
بآخر رجب اول عناة المشاوير
حتى شهر تسعه جهلت بقيامه
واليوم مابه شي غير المقادير
تصفق على وجه السمو والكرامه
ارفع كفوفي واستهل التعابير
واطلب من المولى يزيل الغمامه
تركي ياليت اللي انكتب لك تقارير
كان لحياة اختك ولابه ندامه
ياياه مديتيّ كفوف المعَاذير
كله على شان الوليّ واهتمامه
اشوف دمعك كاسراً للتصاوير
في شعري اللي فالمآسي حطامه
من دعوتك خَرّت عزومي مدامير
والكون اسدل في عيوني ظلامه
جعل الحياه اللي فرحها مظاهير
يكتبّها الوالي لتركي سلامه